kutubhona

Аллоҳга ҳамд бўлсин. Аллоҳнинг пайғамбарига, у кишининг оилалари, саҳобалари ва авлодига раҳмату саломлар бўлсин. Аммо баъд:
Аллоҳ одамларни зулматлардан нурга, Парвардигорларининг изни ила Азиз ва Ҳамид Зотнинг 1 йўлига олиб чиқиш учун Муҳаммад с.а.в.ни Ислом рисолати билан пайғамбар қилиб юборди.

Пайғамбар с.а.в.га мўъжиза қилиб, пайғамбарлигининг далили қилиб Ўзи томонидан бир муборак Китобни, Қуръони Каримни юборди.
Қуръон олдидан ҳам ортидан ҳам ноҳақлик аралашмаган Китобдир. У Аллоҳнинг каломидир. У Ҳаким ва Ҳамид Зотнинг юборган пайғомидир. 2
Уни Аллоҳ араб тилида, арабча ҳарфлардан тузилган калималар билан нозил қилди.

Уларга очиқ араб тилида хитоб қилиб, уларни шу Китобга имон келтиришга, уни ўқиб тушунишга, унинг кўрсатмаларига амал қилишга чақирди.
Бироқ улар ўзларига ёқмайдиган бир ишга дуч келиб қолгандилар. Қуръон уларнинг истакларини эътироф этмасди, санамларини сариқ чақага ҳам олмасди.
Уларга ўхшаб бузилишу бузишлардан шариат ясамасди.
Аксинча, улар сиғинаётган санамларни ақлсиз, бемаъни деб, уларнинг зулму зўравонликларини инкор этарди.
Шунингдек Қуръон хожа билан қулни, қариндош билан ётни, араб билан ажамни бир қаторга қўярди.
Унинг таълимотида фазл фақат тақво билангина ўлчанарди.

«لاَ فَضْلَ لِعَرَبِىٍّ عَلَى أَعْجَمِىٍّ إِلاَّ بِالتَّقْوَى»

(1)(الَر كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَى صِرَاطِ الْعَزِيزِ الْحَمِيدِ Алиф, Лом, Ро. (Эй Муҳаммад, бу Қуръон) Биз сизга, одамларни Парвардигорларининг изни-иродаси билан зулматлардан нурга — қудрат ва ҳамду сано эгаси бўлган зотнинг йўлига — олиб чиқишингиз учун нозил қилган Китобдир). [14:1]

(2) (لَا يَأْتِيهِ الْبَاطِلُ مِن بَيْنِ يَدَيْهِ وَلَا مِنْ خَلْفِهِ تَنزِيلٌ مِّنْ حَكِيمٍ حَمِيدٍ Унга олдидан ҳам, ортидан ҳам (ҳеч қандай) ботил-ноҳақлик келмас (яъни Қуръони Каримнинг ҳеч қайси томонидан бирон китоб ё ҳужжат келиб уни ботил қила олмас, чунки у) ҳикмат ва ҳамду сано эгаси томонидан нозил қилингандир). [41:42]